VINTERFERIE-OPPHALD

23. februar - 1. mars

Velkomen til vinterferieopphald på Helgatun – midt i smørauga for ski, leik og gode vinteropplevingar.

Helgatun er ein god stad å vera – ein plass prega av hjartevarme og ekte heimekos. Her vert du møtt slik du er, og det er lett å kjenne seg heime, anten du kjem med familie, vener eller åleine.

Hos oss kan du senke skuldrane frå første stund. Du kjem til oppreidd seng, og dagane startar med frukost som gjev energi til lange dagar ute. Du kan også smørja niste og fylle termosen med noko varmt å drikke. Etter frukosten er det sportsandakt kvar dag – ei fin og roleg stund til ettertanke før ein tek fatt på dagens aktivitetar. 

Når kvelden kjem, står ein god middag klar. Etterpå kan du samle deg i salongen, der det er rom for både gode samtalar eller leik og spel. Helgatun er ein sosial møteplass, men òg ein roleg plass der du kan finne fred etter aktive dagar.

Opphaldet føregår i eit trygt og alkoholfritt miljø, og passar like godt for heile storfamilien som for deg som ønskjer å kome åleine, men likevel vere ein del av eit inkluderande fellesskap.

Vinterferie på Helgatun passar for deg som vil ha:

• Kort veg til ski og vinteraktivitetar
• Ferdige måltid og enkel kvardag
• Dagleg sportsandakt
• Hjartevarme, heimekos og omsorg
• Eit trygt, alkoholfritt og inkluderande miljø

Me gler oss til å ynskje deg velkomen til ei minnerik og varm vinterferieveke på Helgatun!

FAMILIELEIR I PALMEHELGA

27. - 31. mars

Palmehelga på Helgatun er meir enn ei fjellhelg – det er leir, fellesskap og påske i levande praksis. Her møtest familiar på tvers av aldrar til ei helg fylt av ski, latter, tru og sterke fellesopplevingar.

«Hvem trenger hytte på fjellet når vi har Helgatun?»

Dagane byr på skiglede i Myrkdalen, medan kveldene samlar små og store til aktivitetar, samtalar og ro i trygge rammer. Barna vert sett, ungdomane finn kvarandre, og dei vaksne får vere ein del av eit varmt fellesskap.

«Barna fikk en hjertelig plass i fellesskapet, og fantastiske barne- og ungdomsledere skapte gode minner.»

Gjennom helga får me også samlast om påskebodskapet – formidla med både liv og alvor av engasjerte

Familieleiren er:

• for heile familien
• i trygt og alkoholfritt miljø
• rik på fellesskap, tru og hjartevarme

Ei helg som set spor – og som mange alt gler seg til før ho er over.

PÅSKE-OPPHALD

1. - 6. APRIL

Når påskeveka startar, går me over i det me kallar Påskeopphaldet på Helgatun. 

Her vel gjestene sjølve kor lenge dei vil bli, og dagane får ein god balanse mellom fridom og fellesskap.

Atmosfæren er ei fin blanding av hytteferie og fellesskap. Morgon- og kveldssamlingar er opne for alle som ønskjer å vere med, og gjev rom for både ettertanke og inspirasjon. På dagtid står døra open for ski, turar, kvile og gode samtalar – i ditt eige tempo.

Kveldane på Helgatun er prega av leik og moro, med konkurransar, aktivitetar og mykje latter. Her er det lett å bli kjent på tvers av alder, og både barn, ungdom og vaksne finn seg godt til rette i eit levande og trygt fellesskap.

Ein av dei sterkaste tradisjonane våre er skjærtorsdagsgudstenesta med nattverd, i samarbeid med kyrkja på Voss. Då vert Helgatun fylt av både eigne gjester, hyttefolk og lokalbefolkning – ei høgtidsstund mange opplever som høgdepunktet i påska.

Under påskeopphaldet kan du nyte:

• oppreidd seng
• frukost med nistesmøring (med varm drikke på termosen din)
• ekstra god middag med dessert
• kveldskaffi som rundar dagen av i ro og fellesskap

Påskeopphaldet passar for deg som ønskjer ei sosial, varm og innhaldsrik påske i fjellet – med rom for både aktivitet, tru, leik og kvile, i Helgatun si hjartelege ramme.