Kva skjer på Helgatun?
DAMEHELG
12-14 september!
Tida går fort, og no er det igjen klart for damehelg på Helgatun!
Vi ser tilbake på mange gode minner frå tidlegare år – samtalar over kaffikoppen, turar i frisk fjelluft, utelunsj og ikkje minst fellesskapet rundt Guds ord, der vi har fått både trøyst, oppmuntring og rettleiing.
Årets talar er Kari Fure frå Bibelselskapet (tidlegare redaktør i avisa Dagen). Ho vil dele frå Guds ord og frå sine mange reiser, der ho har møtt kvinner i ulike land verda over.
Song og musikk blir det òg, leia av Olaug, Grete og Hildebjørg. Og med fint vêr håpar vi på gode turar i Myrkdalen – så hugs å ta med gode sko og klede til å vere ute.
Vi ønskjer å invitere deg, og gjerne fleire venninner, til ei helg der vi får oppleve Bibelens ord som lykt og lys på livsvegen.
Velkomen til damehelg på Helgatun!
(Biletet er måla av Line Kjønigsen (www.kjonigsen.no) og brukt med løyve frå biletkunstnaren.)
Påmelding:
e-post: helgatun@helgatun.no
Tlf. 56519898
Meld frå ved påmelding om allergier. Veldig flott om nokon deler rom, så får me plass til fleire!
Program
Fredag 12. september
16.30 Velkomen til Helgatun! Rommet er klart og senga oppreidd.
18.30 Middag med dessert
20.00 Samling i peisestova: Litt info om helga, samt ymse program. Basar høyrer med – fint om du tek med deg ein liten gevinst. Me avsluttar kvelden i møtesalen med andakt og song.
Laurdag 13. september
08.30 – 09.30 Fleksifrukost
10.00 «Ditt ord er ei lykt for min fot og eit lys for min sti» Vi ser fram til bibelsamling med Kari Fure Song av Olaug, Grete og Hildebjørg.
11.30 Fritid. Strikketid, turtid, pratetid eller tid til ingenting….
13.00 Laurdagsgraut ute eller inne
16.00 Kaffi og kaffimat
18.00 Festmiddag Me samlast i møtesalen Kveldens gjest er invitert. Me ser fram til å verta kjend med henne. Song av Olaug, Grete og Hildebjørg Kaffi/te og noko attåt
Sundag 14. september
08.30 – 09.30 Fleksifrukost
10.00 «Ditt ord er ei lykt for min fot og eit ljos for min sti» Vi ser fram til bibelsamling med Kari Fure Song av Olaug, Grete og Hildebjørg Delestund, forbøn og song Kollekt til Helgatun
13.00 Middag
Heimreis
Prisar
Pris per person fre-søn:
Enkeltrom kr. 2.500,-
Dobbeltrom kr. 2.200,-
Dagsbesøk med mat per dag kr 600,-
Jakt- og friluftsleir 26-28 september!
Kvar haust samlast folk i alle aldrar til ei helg i fjellheimen – med jakt, fiske, turar og gode samtalar. Naturen rundt Helgatun byr på mektige inntrykk, og her finn du både ro og fellesskap.
På leiren er det rom for både spenning, kvile og gode opplevingar ved bordet. Vi deler erfaringar, lærer av kvarandre og nyt det enkle og ekte livet i fjellet. Og ikkje minst: du blir del av eit inkluderande fellesskap der både latter og dei djupare samtalane har plass.
Med oss på leiren har me erfarne jegerar og skyttarar som likar å skape gode fellesskap samt å dele av si erfaring. Dette året har me og fått med oss Olav Eikemo, som vil vise oss korleis ein lagar knivar.
Dette har vorte ein tradisjon som mange set pris på – meld deg på og bli med du òg!
Program
Torsdag 25. september:
For dei som ynskjer ein ekstra dag, enten til jakt eller tur, er det anledning å koma torsdagen.
Enkel severing utpå kvelden.
Fredag 26. september:
08.30-09.30 Frokost og nistesmøring.
Vidare disponerer me dagen som me vil med tanke på jakt, fjelltur, fiske, bærplukking osv.
19.00 Middag.
20.30 Kveldssamling i møtesalen. Kaffe og noko å bite i og sosialt etterpå.
Me planlegg neste dag og kva me vil delta på.; Fisking, bærplukking, jakt, fjelltur eller avslapping.
Laurdag 27. september:
08.30-09.30 Frokost og nistesmøring.
09.30 Morgonsamling. Etterpå fordeler me oss på dei ulike aktivitetane.
19.00 Middag.
20.30 Kveldssamling med delestund. Kaffe og sosialt etterpå.
Søndag 28. september:
08.30-09.30 Frokost og nistesmøring.
Morgonsamling.
Etter samlinga kan kvar enkelt delta på den aktiviteten dei ynskjer.
15.00 Middag og deretter heimreis.
Prisar
Pris per person tors-søn:
Enkeltrom kr. 4.100,-
Dobbeltrom kr. 3.500,-
Sovesal kr. 2.700,-
Pris per person fre-søn:
Enkeltrom kr. 2.900,-
Dobbeltrom kr. 2.300,-
Sovesal kr. 1.900,-
Vil du ha ein smakebit? 🎥
Nyt filmen under med stemningsfulle glimt frå tidlegare leirar.
